CAFGU Intel Madinalag-on nga Ginsilotan sang NPA

NPA-Central Negros propaganda statement posted to the Communist Party of the Philippines Website (Mar 18): CAFGU Intel Madinalag-on nga Ginsilotan sang NPA

JB Regalado, Spokesperson
NPA-Central Negros (Leonardo Panaligan Command)

18 March 2018

Madinalag-on nga ginsilotan kamatayon si Petro Escuadro matapos nga ginpamatbatan sang Rebolusyonaryong Korte sang Pumuluyo sadtong Marso 17, 2018 alas 8:00 sang aga. Gintigayon ang pagsilot sa sityo Tampa, Brgy. Villegas, Guihulngan City, Negros Oriental.

Tuig 2007 pa may Standing Order (SO) na si Petro Escuadro sa rebolusyonaryong hublag sa madamo nga kasong kriminal kaangay sang pagpatay kag kontra-hublag nga mga kalakasan. Si Petro isa sa mga legitimate miitary target sang NPA sa Guihulngan. Luwas sina, napamatud-an man sang Rebolusyonaryong Korte sang Pumuluyo nga siya ang nagtiro patay kay Avon Comnais sadtong tuig 1988 kag nagsunog sang puluy-an sang pamilya Comnais. Siya man ang nagpatay kay Sario Salandron sadtong tuig 1989. Dugang pa, siya man ang nagtiro patay kay Naldo Flores sa sityo Mantuhod sadtong tuig 1995 sa sakop gihapon sang Brgy. Villegas, Guihulngan.

Lubos man nagapanginbulahan ang LPC sa yunit sang NPA nga nagpatuman sang desisyon sang “destiero” ukon pagpalayas kag pagdis-arma kay Nero Recaplaza sang Brgy Calupaan, Guihulngan, Oriental Negros sadtong Marso 13, 2018 mga alas 6:00 sang hapon. Nagapangatubang man si Nero sang kaso sa Rebolusyonaryong Korte sang madata nga pagpang-agaw sang duta kag ulumhan sang pareho lamang sini nga mga mangunguma. Naglab-ot sa 7 ka pamilya ang iya gin-agawan sang duta kag palangabuhian paagi sa pagpamahug nga patyon ang mga ini. Masupog man siya nga intel asset sang AFP kag regular nga nagareport sa Brgy. Guba CAFGU Detachment, Vallehermoso, Negros Oriental angot sa mga hulag sang NPA sa lugar. Madinalag-on man nga natigayon ang pagdis-arma kag nakumpiska ang 1 ka 357 revolber kag mga bala matapos ini pormal nga gin-istorya sang NPA upod sa iya pamilya angot sa mga basehan sang nahimo nga desisyon sang rebong korte kaangot sa kaso nga iya nakomiter.
https://www.philippinerevolution.info/statements/20180318-cafgu-intel-madinalag-on-nga-ginsilotan-sang-npa