Monday, May 15, 2017

Capiz nakabenepisyo sa ‘Balikatan’

From the Philippine Information Agency (May 15): Capiz nakabenepisyo sa ‘Balikatan’ (Capiz benefits from "Balikatan"

Duha ka mga pampubliko nga eskwelahan sa Capiz ang nakabenepisyo sa programa sang Balikatan Exercise sini nga tuig.

Ang Duran Elementary School sa banwa sang Dumalag kag Malitbog Elementary School sa banwa sang Tapaz ang nakaagom sang tag-isa ka bag-o nga school building.

Ang konstruksyon sang amo nga mga classroom building ang ginpatigayon sang mga soldado gikan sa Estados Unidos sang Amerika kag sang pungsod Pilipinas.

Ginpahayag ni 1st Lt. Hazel Joy Durotan, tagpamaba sang 61st Infantry Battalion, Philippine Army, nga kalakip sa mga ginpatigayon sa idalom sang Balikatan Exercise 2017 ang paghatag ihibalo kag paghanas sa mga pumoluyo, lideres sa komunidad, health workers kag iban pa nga mga service providers tuhoy sa pagpanghanda sa tion sang kalamidad.

Kalakip man sa amo nga paghanas ang sa Basic Life Support, basic hand washing, food storage, food safety kag DRR management and response.

Tinutuyo man sang amo nga Balikatan Exercise ang paghatag sang ila ihibalo sa mga pumoluyo tuhoy sa humanitarian assistance kag disaster relief, counter-terrorism kag ang madasig nga pagresponde sa emerhensya.

Sang nagligad nga tuig, ang buluthuan sa Barangay Jaena Norte sa banwa sang Jamindan kag sa San Nicolas sa Tapaz ang nabuligan man sang Balikatan Exercise 2016 para sa pagpakaayo sang ila eskwelahan kag iban pa nga mga programa subong sang pagpanghanda sa kalamidad kag para sa ikaayong-lawas.

http://news.pia.gov.ph/article/view/991494806424/capiz-nakabenepisyo-sa-balikatan-

No comments:

Post a Comment

Note: Only a member of this blog may post a comment.