New People's Army-North Central Mindanao propaganda statement posted to the Communist Party of the Philippines Website (May 22): Tinuis nga Balita sa 403rd Brigade
Ka Malen Mabini, Spokesperson
NPA-North Central Mindanao
22 May 2017
Gipanghimakak sa Mt. Kitanglad Sub-Regional Command sa New People’s Army ang gipakaylap ni 1st Lt. Norman Tagros nga tigpamaba sa 403rd Brigade nga balita bahin sa engkwentro sa Sumilao, Bukidnon kung asa tulo kuno ka mga sakop sa NPA ang napatay. Giatol kini pagpagawas nga balita human ang nahitabong pagparalisa sa mga ekipo sa mga sub-contractor sa Del Monte Corporation didto sa Km 24, Brgy. Don Gregorio Pelaez, Claveria, Misamis Oriental kagahapon Mayo 19 sa may 10:10 sa buntag.
Ang giingon ni Lt. Tagros nga engkwentro, nahitabo niadto pang Mayo 13, 2017 didto sa Brgy. Licoan, Sumilao, Bukidnon. Nasugat sa usa ka iskwad nga pwersa sa Mt. Kitanglad Sub-Regional Command ang naglunsad og combat operation nga usa ka platun sa 1st Special Forces Battalion (SFBn). Tungod kay unang nakamatikod ang nahauna, paspas nila kining giambus. Upat ang patay ug lima ang samaron sa pwersa sa 1st SFBn samtang walay tatsa ug luwas nga nakaatras ang pwersa sa NPA human niini. Ang mga lumulupyo sa Licoan sayud kaayo niini nga hitabo kay gani sila pa ang nagkuha sa mga patay ug samaron nga kaaway.
Kini nga hitabo gipaningkamutan sa 403rd Bde ug 1st SFBn nga dili mabutyag sa publiko. Apan tungod sa nahitabo kagahapon nga pagparalisa sa mga sakyanan sa Del Monte, nagtumo-tumo sila og balita aron ipagawas nila nga sila ang nagmadaugon ug tabunan ang ilang kapalpakan pagpanalipod sa Del Monte ug sa uban pang plantasyon sa mga multinational corporations batok sa mga atake sa NPA. Kung mahinumduman, ang 1st Special Forces Battalion gibutang sa Manolo Fortich, Bukidnon aron depensahan ang plantasyon sa Del Monte human ang malampusong pagreyd sa NPA sa compound niini didto sa Camp Philipps, Brgy Agusan Canyon, Manolo Fortich, Bukidnon niadtong Pebrero 19, 2013.
Lunod-patay nga gigwardyahan sa 1st SFB ang mga negosyo sa multinational corporations sa Bukidnon nga nagapangilog og kayutaan sa mga Lumad ug kansang mga operasyon makadaut sa kinaiyahan ug hinungdan sa dakung bul-og sa polluted nga tubig nga mabubo sa Cagayan de Oro City atol sa ting-ulan.
Consistent nga baruganan sa rebolusyonaryong kalihukan ang pagpugong nga dili na makapalapad pa ang makadaut sa kinaiyahan ug katawhan nga mga operasyon sa plantasyon sa multinational corporation ug determinadong suklan ang mangtas nga elite nga pwersa sa 1st SFB sa Armed Forces of the Philippines nga nanalipod niini.
No comments:
Post a Comment
Note: Only a member of this blog may post a comment.