New People's Army-North Central Mindanao propaganda statement posted to the Communist Party of the Philippines Website (May 22): Punitibong Aksyon Batok sa Del Monte Philippines, Nagmalampuson
Ka Malen Mabini, Spokesperson
NPA-North Central Mindanao
22 May 2017
Malampusong naharang sa gimontar nga checkpoint ug naparalisa sa usa ka unit sa New People’s Army-Eastern Misamis Oriental-Northeastern Bukidnon (NPA-EMONEB) ang tulo ka sakyanang giabangan sa Del Monte Philippines niadtong Mayo 19, 2017 sa alas 10:10 sa buntag sa Sitio 24, Brgy. Don Gregorio Pelaez, Claveria, Misamis Oriental.
Ang mga naparalisa nga hauler trucks mao ang gidrayban ni Marianito Vicente nga adunay plate number nga KWA 163 nga gipanag-iyahan sa DUCSCO Trucking Service, ang gidrayban ni Arsenio Pakres nga may plate number, RLM 275 nga iya sa Dolor Trucking Service ug ang gimaneho ni Sunny Obalang nga gipanag-iya sa Tobert Trucking Service. Kining tanan nga mga sakyanan gikan sa Manolo Fortich, Bukidnon.
Laing forward truck nga gipanag-iya ni Kagawad Bebeng Sia sa Brgy. Aposkahoy niini nga lungsod nga nagkarga og unom ka drum nga krudo ang naharang. Gidiskarga ang krudo ug wala na gidaut ang sakyanan.
Mokabat og kapin 50 ka tawo ug 20 ka single motor ang lakip sa naharang sa gimontar nga checkpoint. Natapos ang maong aksyon sa alas 11:58 sa buntag ug luwas nga nakawidro ang yunit sa NPA.
Dugang pa, gamiton namo kini nga okasyon isip subling pasidaan niadtong mga negosyante nga nagapaabang sa ilang mga sakyanan ug ekipo sa Del Monte sa paghunong sa paghimo sa ingon tungod kay sa dugayng panahon, gidid-an na sa rebolusyonaryong kalihukan ang Del Monte ug ubang multinational corporations dinhi sa erya sa North Central Mindanao Region sa pagpalapad sa ilang mga plantasyon. Padayon namong pahamtangan og punitibong aksyon ang dili morespeto niini nga palisiya.
Walay kamatuoran ang propaganda sa 403rd Brigade nga giatake ang Del Monte Philippines tungod sa pagdumili niini paghatag og rebolusyonaryong buhis. Wala nagaapas ang NPA sa buhis o salapi nga makolekta gikan niini nga kumpanya. Ang pagmagahi sa Del Monte ug ubang multinational corporations sa padayon nilang ekspansyon bisan pa sa gipakanaug nga NO EXPANSION POLICY sa NCMR human sa katalagman nga gidulot sa Bagyong Sendong sa mga syudad sa Cagayan de Oro ug Iligan niadtong Desyembre 2011 ang tinuod nga hinungdan. Ang pag-upaw ug pagpatag sa kabukiran sa Bukidnon ang hinungdan sa dakung bul-og sa polluted nga tubig nga mibanlas sa liboan ka kinabuhi, kabalayan ug panginabuhi sa katawhan niini nga mga syudad.
No comments:
Post a Comment
Note: Only a member of this blog may post a comment.