Tuesday, May 16, 2017

Cebuano News: Philippine Coast Guard, nanginahanglan og dugang 5,000 kawani

From the Philippine Information Agency (May 17): Cebuano News: Philippine Coast Guard, nanginahanglan og dugang 5,000 kawani

Nanginahanglan og upat ka libong bag-ong recruits, apil na ang lima ka gatos nga opisyal ang Philippine Coast Guard.

Matud pa ni Commodore Joel Garcia, officer-in-charge sa PCG, pipila sa mga naghulat nga mga posisyon mao ang mga dugang biologist, doktor, inhinyero, accountant ug public relations staff.

Ang tigpamaba sa PCG nga si Commander Armand Balilo miingon nga naa sa P17,000 ngadto sa P40,000 matag buwan ang madawat nga suholan sa entry level depende sa posisyon.

Kwalipikadong mo-apply ang usa ka natural born Filipino, adunay good moral character, may Baccalaureate​ Degree, adunay 72 units sa kolehiyo o nakatapos sa TESDA course alang sa mga non-officers.

Mahimong mo-apply alang sa opisyal sa PCG ang naa sa 21 anyos ang pangedaron hangtod 26 anyos samtang 18 hangtod 26 anyos ang mahimong mo-apply sa non-officers.

Alang sa uban pang detalye, mahimong mobisita ang mga interesadong mo-apply sa website sa PCG sa www.coastguard.gov.ph o mobisita sa Coast Guard Station Tagbilaran nga nahimutang sa LMP Building, K of C Drive, ning syudad sa Tagbilaran o motawag lamang sa numero 0949-8381531.

http://news.pia.gov.ph/article/view/1081494399614/cebuano-news-philippine-coast-guard-nanginahanglan-og-dugang-5-000-kawani

No comments:

Post a Comment

Note: Only a member of this blog may post a comment.