Cebuano News: Army sa Bohol, may bag-ong commander

From the Philippine Information Agency (May 17): Cebuano News: Army sa Bohol, may bag-ong commander

May bag-o nang commander ang bugtong Philippine Army battalion nga nahimutang sa lalawigan sa Bohol.

Si Lieutenant. Col. Eufracio Joel Malig Jr. opisyal nang gihulip ni Lt. Col. Jose Dodjie Belloga Jr. isip commander sa 47th Infantry Battalion karong adlawa.

Ang turnover ceremony gipahigayon sa Camp Lino Chatto sa lungsod sa Tubigon ug gipangunahan kini ni Maj. Gen. Jon Aying, commander sa 3rd Infantry Division (ID) sa Philippine Army.

Si Belloga nga na-assigned isip commander sa 47th IB niadtong Abril 22, 2015 makig-baylo og posisyon ni Malig diin ibutang siya isip assistant chief of staff sa 3rd ID’s Civil Military Operations (CMO).

Ang pagbalhin gikan sa 47th IB tungod sa pagtapos sa duha ka tuig nga termino ni Belloga sa lalawigan.

Si Malig katapusang na-assign isip assistant chief of staff sa CMO, G7, 3rd ID nga nakabase sa Camp General Macario Peralta Jr. sa Jamindan, Capiz.

Nakatapos si Malig sa Philippine Military Academy isip parte sa Bantay Laya Class of 1994.

Nahimo siyang security officer ug aide-de-camp sa Presidential Security Group (PSG) gikan niadtong tuig 2001 taman 2010 ubos sa administrasyon ni kanhi Presidente Gloria Macapagal Arroyo.

Nahimo siyang commanding officer sa First Escort Company sa PSG, a unit nga responsable sa physical security sa Presidente ug visiting heads of state.

Si Malig nakadawat og award sa Philippine Legion of Honor, Order ni Lakandula ug Bronze Cross ug Military Merit medals.

http://news.pia.gov.ph/article/view/1081494399740/cebuano-news-army-sa-bohol-may-bag-ong-commander