Cebuano News: Duha ka NPA, misurender sa Agusan Sur

From the Philippine Information Agency (Feb 8): Cebuano News: Duha ka NPA, misurender sa Agusan Sur  (Two rebels surrendered in Agusan Sur)

Misurender ang duha ka miyembro sa New People’s Army kon NPA sa 23rd Special Forces Battalion nga naka-base sa Bayugan City diin nagdala kini ug mga armas nga M16, karbin, light anti-tank weapon ug duha ka improvised explosive device (IEDs) ug granada sa Prosperidad, Agusan del Sur niadtong Lunes, Pebrero 6.

Giila nga taga Northern Eastern Mindanao Regional Party Committee (NEMRC) ang duha ka NPA nga naga-operate pud sa Agusan del Norte ug Agusan del Sur nga ginganlang si Jerry Petelio ug Ranny Ayawon. Misurender kini kay tungod wala na matud pa kini gisustintuhan sa ilang lider sa NPA ug nahadlok na matud pa nga muatraka na pud ang mga sundalo.

Matud pa sa duha ka NPA, daghan na sa ilang mga kauban ang nagpadayag sa ilang mga sintemyento ug nagplano nga mubiya na ug dili na mubalik sukad nga gibayaw ni Duterte ang unilateral ceasefire sa nasod.

Sa laing bahin, gipasalig ni Lt. Col. Cristobal Zaragosa, 401st Brigade Brigade Commander nga ilang tabangan ang duha ka NPA nga misurender sa ilang mga kamot hantod nga makabalik kini sa ilang lugar sumala sa mando ni MGen. Benjamin Madrigal, ang 4th Infantry Division commander, ug tagaan usab ug mga benepisyo og mga insentibo para pud makapanimuyo sila sa ilang bag-ong kinabuhi nga diin kini ilalom sa Comprehensive Local Program (CLIP).

http://news.pia.gov.ph/article/view/2761486538697/cebuano-news-duha-ka-npa-misurender-sa-agusan-sur